اليوم :
 
محكمة لبنانية تُؤجل محاكمة أحمد الأسير في قضية الإعدام   | إقرار قانون يُلزم المسؤولين الحكوميين بتونس بالكشف عن ثرواتهم   | العلماء يتوصلون إلى طريقة تعيد الحياة إلى الأجزاء الميتة من القلب   | 6 زيجات في حياة ميرفت أمين و3 لابنتها منة   | درة تشعل انستجرام بملابس البحر   | أيمن زيدان في أحضان والدته.. والجمهور يتفاجأ بشكلها   | طبيب مسن يغتصب 32 مريضة في فرنسا   | مستوطنون يهاجمون منازل المواطنين جنوب نابلس ويحرقون عشرات الدونمات   | عجوز بعمر 92 تقتل ابنها في ولاية أريزونا الأمريكية ؟   | معلمة مصرية تستقطب الرجال وتُصورهم عراة   |

الرئيسية » أخبار حقوقية منوعة شاملة » رسالة من الأخت الكاتبة هدى البزايعه للمسؤولين !

التاريخ : Wednesday/11-Oct-17
الوقـت   : /20:51:26 

رسالة من الأخت الكاتبة هدى البزايعه للمسؤولين !


سباي سات نيوز

وكالة سباي سات - عمان - محمد خليل البزايعه - الكاتبة الاردنية هدى البزايعه -  رساله حابه توصل لمدير سجن سواقه امانه برقبة كل واحد بأيده يوصلها وبقصر بدي مشاركه لمنشوري لحتى يوصل للمسؤولين .


انا ام مقهوره في هذه اللحظات قهر بوزع على بلد كامل , اليوم رحت ازور ابني بالسجن لقيته ممنوع من الزياره , وصلت للسجن وما شفته , طالبت بمقابلة مدير السجن رفضوا يخلوني اقابله ليش ما بعرف .


انا من حقي اقابل اي مسؤول واعرض مظلمتي عليه , انا ضد الابواب المغلقه وبطالب بفتحها 
من حقي اليوم ادخل لمدير السجن وافهمه انه انا ام جاي من معان والله يعلم بحالتي هذا الحكي بيرضي ربنا ؟؟


من حقي اطمئن على ابني شو صاير معه وافهم الموضوع , ما معي واسطه الا ربنا انا وانسانيتي ما بتشفع الي؟؟


المهم سكتت واكلت تبن وحطيت حفاي في ثمي ورحت بدي احط مصاري اله الولد ما معه حق قزازة مي , من الساعه تسعه ونص لغاية الان طلعت من عندهم وانا واقفه على رجلي ما في حتى كرسي اقعد عليها نشفوا ريقي لحد ما جابو محاسب واستلم مني , كان بقدر يبعث عسكري ويساعدني لانه المحاسب على بعد خمس خطوات بس خلص كيف يساعدونا محنا شعب ملعون والدين مغضوب علينا .


وفي ملاحظه حابه توصل للمدير .؟؟


ليش ممنوع السياره تدخلنا من البوابه الرئيسيه لبش لازم نلف من البوابه الخلفيه ونمشي كل هالمسافه , علما انه شفت ناس دخلو بسياراتهم لجوا عند باب السجن النا الله احنا مالنا غيره 
ليش ما بتم تبليغ الاهل انه ابنهم ممنوع من الزياره حتى ما يتكبدوا وعثاء السفر ويتغلبوا عالفاضي بما انه رقمنا عندهم بكل بساطه بنحكي الو وووو ابنكوا محروم من الزياره لا تتعبوا حالكو وتيجو .


نفسي اشعر في هالبلد انه النا قيمه وقدر نفسي ارفع راسي واقول انا مهمه في وطني 
اليوم تذكرت قصه صارت قبل كم سنه في عنا معاني متزوج من وحده صينيه وكان ايامها عنا حظر تجول بمعان بسبب مشاكل صارت ايامها , بتعرفوا شو صار ؟؟
اتصلت السفاره الصينيه بالمحافظ .وطلبوا منه زيارتها والاطمئنان عليها واذا محتاجه اشي يوصلوه الها ,,, يااااه شو هالاحترام للانسانيه والمواطن من دولته؟ 


اشي برفع الراس فعلا وبخلي الواحد يتباهى في جنسيته , بس نفسي اعرف شغله هو المدير بعرف انه في حد بدو يقابله وبرفض ولا من راسهم بتصرفوا الي عالبوابه , اذا بعرف هذه مصيبه , واذا ما بعرف هذه مصيبه اكبر .


الكاتبة الاردنية هدى البزايعه

عدد التعليقات 0

أضف تعليق

اضافة تعليق
الاسم
التعلق
Best In Europe